သုံးခွမြို့နယ် ပင်လယ်ပြင်ထဲ ရောက်ရှိနေတဲ့ လူတစ်ယောက်မှမပါတဲ့ သင်္ဘောကြီး

သုံးခွမြို့နယ် ပင်လယ်ပြင်ထဲ ရောက်ရှိနေတဲ့ လူတစ်ယောက်မှမပါတဲ့ သင်္ဘောကြီး

ရန်ကုန်တိုင်းဒေသကြီး၊ သုံးခွမြို့နယ်နှင့် ထိစပ်လျှက်ရှိသည့် မြန်မာ့ပင်လယ်ပြင်ပိုင်နက်တွင် ပြည်ပနိုင်ငံတစ်ခု၏ ပိုင်ရှင်မဲ့ကုန်တင်သင်္ဘောကြီးရောက်ရှိနေမှုနှင့် ပတ်သက်၍ တပ်မတော်၊ ရဲတပ်ဖွဲ့နှင့် အထွေထွေအုပ်ချုပ်ရေးအ ဖွဲ့များက အနီးကပ်စောင့်ကြည့်မှုများပြုလုပ်နေကြောင်း သုံးခွမဲဆန္ဒနယ်အမှတ်(၁)မှ တိုင်းဒေသကြီးလွှတ်တော် ကိုယ်စားလှယ်ဦးနေ၀င်းက ပြောကြားသည်။

“အဲ့ဒီသင်္ဘောကြီးက မနေ့ကညနေပိုင်းလောက်မှာရောက်လာတာ။အဲ့ဒိအတွက် ဒီသင်္ဘောကြီးထဲမှာဘာတွေပါ တယ်။ ဘယ်သူတွေရှိသလဲ။ဘာကြောင့်ရောက်လာလဲဆိုတဲ့ အခြေအနေတွေကို သုံးခွမှာရှိတဲ့ နယ်မြေခံတပ်ရင်း ၊ တပ်ဖွဲ့တွေ၊နယ်မြေခံရဲတပ်ဖွဲ့တွေနဲ့ စစ်ဘက်ရေးရာ လုံခြုံရေး၊အထွေထွေအုပ်ချုပ်ရေးအဖွဲ့တွေကို သွားပြီးစောင့်ကြည့်နေကျပါတယ်”ဟုသုံးခွမဲဆန္ဒနယ်အမှတ်(၁) တိုင်းဒေသကြီးလွှတ်တော်ကိုယ်စားလှယ် ဦးနေ ၀င်းက ပြောကြားသည်။

အဆိုပါ မြန်မာ့ပင်လယ်ပြင်သို့ရောက်ရှိနေသည့် ပိုင်ရှင်မဲ့ ကုန်တင်ကြီး သုံခွမြို့နယ်၊ သမစိတ္တကျေးရွာမှရေမိုင် ၇မိုင်ခန့်အကွာတွင်ရောက်ရှိနေခြင်းပြီး ၂၈ရက်နေ့ကတည်းက ရေလုပ်သားတွေက တွေ့ရှိခဲ့ခြင်းဖြစ်သည်။ ယနေ့မနက် ၆နာရီခန့်တွင် တပ်မတော်ရေမှ ဦးဆောင်၍ အခြားတာဝန်ရှိသူများနှင့် သွားရောက်စစ်ဆေးရာ သင်္ဘောပေါ်တွင် လူရှစ်ဦးတွေ့ရှိသည်။

ထိုလူရှစ်ဦးအား စစ်ဆေးရာ သင်္ဘောသားများမဟုတ်ပဲ ပစ္စည်းတက်ခိုးသူများဖြစ်သဖြင့် ဖမ်းဆီးထိမ်းသိမ်ထားပြီး သင်္ဘောကိုဆက်လက်စစ်ဆေးရာ သင်္ဘောသားတစ်ယောက်မှမရှိတော့ပဲ ၊ ဓာတုပစ္စည်းများ တင်ဆောင်လာသည့် သင်္ဘောဖြစ်သည် ဟု သိရသည်။ သင်္ဘောသည် သောင်တင်နေသကဲ့သို့ဖြစ်ကာ ခါးကျိုးနေပုံရပြီး အနောက်ပိုင်းနိမ့်ဆင်းနေကြောင်း သိရသည်။

သင်္ဘောကိုယ်ထည်တွင်တော့ SAM RATULANGI PB 1600 ဟု ရေးထားသည်။ ထိုနာမည်နှင့် အင်တာနက်တွင် ရှာကြည့်သည့်အခါ mtelegraph ၀ဘ်ဆိုဒ်တွင် အောက်ပါအတိုင်းအ ချက်အလက်များကိုတွေ့ရှိရသည်။

IMO number – 9151981

သင်္ဘောအမည်- SAM RATULANGI PB 1600

သင်္ဘောအမျိုးအစား – ကုန်တင်သင်္ဘော

Gross tonnage – ၁၈၂၄၇တန် ( Gross tonnage ဆိုတာ သင်္ဘောအပြင်က သံထည်အခွံ (Shell and Deck plating) တွေ မပါဘဲ သင်္ဘောအတွင်းမှာ ရှိတဲ့ အလုံပိတ်နေရာတွေရဲ့  ထုထည်ကို ခေါ်တာပါ)

တင်ဆောင်နိုင်သည့် ၀န်ပမာဏ – ၂၆၅၁၀ တန်

တည်ဆောက်သည့် – ၂၀၀၁ခုနှစ်

တည်ဆောက်သည့် သင်္ဘောကျင်း – PAL INDONESIA PERWAKILAN

ပင်မဆိပ်ကမ်း – ဂျာကာတာ

မန်နေဂျာ – Djakarta Lloyd ၊ ဂျာကာတာ ၊ အင်ဒိုနီးရှား

ပိုင်ရှင် – အင်ဒိုနီးရှား ဂျာကာတာ အစိုးရ

ဘာကြောင့် အင်ဒိုနီးရှားသင်္ဘောကြီးဟာ မြန်မာ့ရေပိုင်နက်ထဲ လူတစ်ယောက်မှမရှိပဲ ရောက်ရှိနေရပါသလဲ ၊ သက်တမ်း ၁၇နှစ်ရှိပြီဖြစ်သဖြင့် သက်တမ်းကုန်၍ ဆက်လက်လုပ်ဆောင်နိုင်စွမ်းမရှိတော့သည့်အပြင် သင်္ဘောဖျက်ခအကုန်မခံနိုင်သည့်အတွက် စွန့်ပစ်ခြင်းပေလော ၊ တခြားမည်သည့် အကြောင်းကြောင့် လဲဆိုတာကိုတော့ အသေအချာစစ်ဆေးပြီးမှ သိရှိရမှာဖြစ်ပါတယ်။

သြဂုတ် ၃၀၊ ကိုလူသစ် ၊ Kyaw Zin Hein
Photo : Khin Mgaye FB ၊