Self-Study ကို နည်းလမ်းမှန်အောင် ဘယ်လိုလုပ်မလဲ??
==========================
စကားဦး
=====
အိုကေဗျာ.. ကျွန်တော်မိတ်ဆွေတို့ကို ကတိပေးထားတဲ့ အတိုင်း ဒီနေ့မှာတော့ Self-Study လုပ်နည်းလေးတွေကို ပြန်လည်ဝေမျှပေးလိုက်ပါတယ်။ ဒီနည်းလမ်းတွေဟာ Self-Study လုပ်သူတွေအတွက်တင်မကပဲ လက်ရှိကျောင်းပညာရေးသင်ယူနေသူတွေနဲ့ သင်တန်းတွေမှာ သင်ယူနေသူတွေအတွက်ပါ အကျိုးရှိမယ်လို့လည်း ထင်ပါတယ်။ အဓိကရည်ရွယ်တာကတော့ ကျွန်တော့်လို ငွေကြေးကြောင့်သော်လည်းကောင်း (သို့) အချိန်အခက်ခဲကြောင့်သော်လည်းကောင်း သင်တန်းတွေမတက်ရောက်နိုင်သူတွေအတွက်ကို ရည်ရွယ်ရေးသားပေးခြင်းဖြစ်ပါတယ်။ ကျွန်တော်ရေးသားထားတဲ့ အပေါ်မှာ မိတ်ဆွေတို့ မရှင်းတာရှိရင် ပွင့်ပွင့်လင်းလင်းဝင်ရောက်ဆွေးနွေး အကြံပြုနိုင်ကြသလို အမှားတစ်စုံတစ်ရာရှိခဲ့ရင်လည်း တတ်သိနားလည်သော ဆရာသမားများက မေတ္တာရှေ့ထားပြီး ခွင့်လွှင့်ပေးကြဖို့ရှေးဦးစွာ မေတ္တာရပ်ခံလိုက်ပါရစေခင်ဗျာ..
------------------------------------------------------xxx----------------------------------------------------
ကဲ.. စလိုက်ကြရအောင်ဗျာ.. Topic လေးကတော့ Self-study ဘယ်လိုလုပ်မလဲတဲ့.. သိပ်ကို စိတ်ဝင်စားစရာကောင်းနေပြီမဟုတ်လားမိတ်ဆွေ.. အိုကေဗျာ… လာပြီ… မိတ်ဆွေတို့ Self-Study လုပ်တော့မယ်ဆိုရင် ဒါလေးတွေကို ဂရုစိုက်ဖို့လိုမယ်ဗျ။

အချိန်ကာလ တစ်ခုသတ်မှတ်ပါ
===================
အရေးကြီးတာတော့ ဒီကောင်လို့ပြောလို့ရတယ်.. ဒါကို များသောအားဖြင့် ဘယ်သူမှ အလေးမထားကြတာကို တွေ့ရတယ်ဗျ.. သူက ကာလ ဆိုတဲ့ စာလေး ၂ လုံးပဲရေးရပေမယ့် မိတ်ဆွေတို့ ဂရုတစိုက် လိုက်နာမယ်ဆိုရင် ဘ၀ကြီးကို တောင်ပြောင်းလဲပစ်နိုင်ပါတယ်။ ဆိုလိုတာကဗျာ.. မိတ်ဆွေတို့က ဘာသာရပ်တစ်ခုကို လေ့လာမယ်ဆိုပါစို့ .. ဒီတိုင်းကြီး ပြီးပြီးရော.. လေ့လာချင်သလို လေ့လာနေတာထက်စာရင်.. . ဘယ်အချိန်ကနေ ဘယ်အချိန်ထိ ငါလေ့လာမယ်.. တစ်နေ့ကို ဘယ်နှစ်နာရီလေ့လာမယ်.. ဘယ်နှစ်လနဲ့ ငါ ဒီသင်ခန်းစာကို လေ့လာမယ်ဆိုတဲ့ အချိန်ကာလ တစ်ခုသတ်မှတ်ပေးဖို့လိုအပ်တယ်.. ဥပမာ CCNA သင်တန်းတစ်ခုမှာ ဒီသင်ခန်းစာကို ပြီးဆုံးတိုင်အောင် အချိန်ကာလ တစ်ခုသတ်မှတ်ပြီးသင်တာဗျ.. ဘယ်ဆရာတွေ ဘယ်သင်တန်းကျောင်းတွေကမှ.. သင်ချင်တဲ့အချိန်သင်မယ် ပြီးချင်တဲ့ အချိ်န်ပြီးမယ်ဆိုပြီး သင်ကြတာ မဟုတ်ဘူး။ သူတို့မှာ အချိန်ကာလ အကန့်အသတ်လေးတွေရှိတယ်။ ဒါတွေရှိလို့လည်း ဒီအတန်းပြီးနောက်တန်းခွဲတွေ သေချာဖွင့်နေနိုင်တာပေါ့ဗျာ.. သူတို့သာ သင်ချင်တဲ့အချိန်ထသင်မယ်ဆိုရင် စီးပွားလည်း ဖြစ်မှာမဟုတ်တော့သလို ကျောင်းသားတွေလည်း ရှေ့ကိုရောက်မှာမဟုတ်တော့ဘူး.. အဲ့တော့..
မိတ်ဆွေတို့ရဲ့ စိတ်ထဲမှာ အရင်ကမထည့်ထားရင် အခုထည့်လိုက်ပါ.. ငါသင်ခန်းစာတစ်ခုကို လေ့လာမယ်ဆိုရင် အချိန်ဘယ်လောက် ယူမယ်ဆိုတာလေးကိုပေါ့…

ဆိတ်ငြိမ်သော နေရာကိုရွေးချယ်ပါ
===
ကျွန်တော့်အထိင်တော့ လေ့လာသူတွေအတွက် ထိရောက်တဲ့ လေ့လာမှတ်သားမှုမျိုးဖြစ်စေဖို့ နေရာဟာလည်း အလွန်အရေးပါတဲ့ ကဏ္ဍကပါဝင်တယ်လို့ မြင်ပါတယ်။ ကျွန်တော်တို့ဟာ စာတွေလုပ်တော့မယ် လေ့လာတော့မယ်ဆိုရင် ဆိတ်ငြိမ်တဲ့ နေရာတစ်ခုကို ရွေးချယ်တတ်ဖို့လိုမယ်။ ဥပမာ .. တောထဲမှာ စာသွားကျက်တာမျိုး.. စတာ .. မဟုတ်ဘူးဗျ။ ပတ်ဝန်းကျင်ဆိတ်ငြိမ်ရင်ရပြီ။ မိတ်ဆွေတို့ ကျွန်တော်တို့က စာလုပ်နေတယ်ပေါ့ဗျာ.. ဘေးမှာ လူတစ်စုက သောက်တင်းတွေတုတ်နေမယ် သို့တည်းမဟုတ် သီချင်းတွေဆိုနေကြမယ် .. အဲ.. သို့တည်းမဟုတ် တစ်ယောက်တစ်ခွန်းပြောဆိုနေကြမယ်ဆိုရင်. မိတ်ဆွေတို့ . စာထဲကို စိတ်ရောက်ဦးမလား?? သေချာတာပေါ့.. မိတ်ဆွေတို့ဟာ သူတို့ရယ်စရာပြောရင်ရယ်ဖြစ်မယ်။ သီချင်းလေးတွေကို ကြိုက်ရင်လိုက်ဆိုနေမိမှာ…ဟုတ်တယ်ဟုတ်… အဲ့တော့ နံပါတ် ၁ အနေနဲ့ ဆိတ်ငြိမ်တဲ့ နေရာဒေသ တစ်ခုကို ရွေးပေးပါလို့ တိုက်တွန်းလိုပါတယ်….

မိမိ စားပွဲပေါ်မှာ ရှုပ်ရှက်ခက်မနေပါစေနှင့်
======================
အိုကေ.. လာပြီ လူတိုင်းပြောနေကြတဲ့ ဒေတာ.. ကွန်ပျူတာ သမားတွေအတွက်တော့ဒေတာ.. သာမန်ကျောင်းသား ကျောင်းသူတွေအတွက်ကတော့ စာရွက်စာတမ်းတွေ ကိုယ်လေ့လာမယ့် ဘာသာရပ်နဲ့  ပတ်သတ်တာတွေကို ဆိုလိုတာပေါ့… ပြောချင်တာက .. မိတ်ဆွေတို့ လေ့လာတော့မယ်ဆိုရင် သည်ကောင်တွေကို စားပွဲပေါ်မှာ ပျံ့ကြဲမထားပါနဲ့ ပုဇွန်တောင် က အမှိုက်ပုံလိုပေါ့ဗျာ... ဘာလို့လဲဆိုတော့ မိတ်ဆွေတို့ဟာ ဗျာများနေလိမ့်မယ်.. ကိုယ်လေ့လာချင်တာက Myanmar  ဆိုပါတော့ .. ဒါပေမယ့် စာရွက်စာတမ်းတွေ ဘာသာတွေအများကြီး စားပွဲပေါ်တင်ထားတဲ့ အခါကျတော့ စိတ်က Clear မဖြစ်တော့ဘူး.. ခေါင်းထဲမှာ တွေးစရာတွေများလာမယ်။ အဲ့တော့နောက်ဆုံး.. ယောင်ဝါးဝါးနဲ့ အဆုံးသတ်သွားရော.. ကွန်ပျူတာ သမားတွေ.. အိုင်တီဆရာကြီးတွေလည်းထိုနည်း၎င်းပါပဲ.. ကျွန်တော် Data Overload မှာ တော့ ပြောပြပြီးပါပေါ့. ဒေတာတွေ အများကြီး မသိမ်းထားပါနဲ့.. အကုန် Format ချပစ်ပါ… ဟီးး စတာနော်.. သွားမလုပ်နဲ့.. ကိုယ်လုပ်ချင်တာတစ်ခုကိုပဲ.. Focus ထားပြီလုပ်ရင် Ok ပြီ။ ပြောပြီးပြီနော်.. Format မချပစ်ဖို့.. ပြီးမှ Format တွေချပြီး ကျော့ကို ပြဿနာရှာရင် ကျော်ကတော့ ပြေးမှာ….

စိတ်ကို ရှင်းလင်းအောင်ပြုလုပ်ပါ
===============
သင်ခန်းစာတစ်ခု သို့တည်းမဟုတ်  ဘာသာရပ်တစ်ခုကို လေ့လာတော့မယ်ဆိုရင်.. မိတ်ဆွေတို့ရဲ့ စိတ်ကို အရင်ဆုံးရှင်းအောင်ထားပါ… ဆိုလိုတာကဗျာ.. ကျွန်တော်တို့လူသားတွေဟာ ..အမြဲတမ်း အတွေးပေါင်းများစွာနဲ့ ပြည့်နေတတ်ကြတယ်.. ငါဟိုဟာလုပ်ရဦးမယ်။ အဲ…သည်ဟာလုပ်ရဦးမယ်.. ဟိုဟာမလုပ်ရင်တော့ဘာဖြစ်မှာ… စတဲ့ အတွေးပေါင်းစုံနဲ့ ပြည့်နှက်နေတတ်ကြတယ်.. ဒါတွေက မိတ်ဆွေတို့ ဦးနှောက်ထဲမှာ ရှိနေ ကျန်နေတဲ့ အခါကျတော့ မိတ်ဆွေတို့ရဲ့ ဦးနှောက်ဟာ အလုပ်တွေအများကြီး လုပ်ရမယ်…ကိုယ်လေ့လာရမှာကို အာရုံမစိုက်နိုင်တော့ဘူးလေ.. အဲ့တော့.. မိတ်ဆွေတို့ စာစလုပ်တော့မယ်ဆိုရင်.. ဒီကောင်တွေကိုအရင်ဆုံးရှင်းနိုင်အောင်ကြိုးစားကြည့်ပါ။ နည်းလမ်းကတော့ မျက်စီ နှစ်လုံးကို စုံမှိတ်ပြီး အသက်ကို ပြင်းပြင်းရှုထုတ် လုပ်ပါ။ စိတ်ကို လျော့ချပြစ်ပါ။ ကျန်နေတဲ့ အတွေးတွေကို ဘာမှ တွေးမနေဘဲ.. ငါဒါကို ရမှ ဖြစ်မယ်ဆိုတာလေးကိုပဲ နှလုံးသွင်းကြည့်ပါ.. ..

ဆက်တိုက် မလေ့လာပါနှင့်
================
ဒါကတော့ ပြောစရာ မလိုဘူးလို့တောင် ထင်ရပါပေါ့.. အားလုံးလဲ နည်းနည်းလုပ်ပြီး များများ က ကျွန်တော့်လို ဖုန်းပေါ်မှာ ပဲအချိန်ကုန်ဆုံးနေကြမယ်လို့ ထင်လို့လေ.. ဒီလိုဗျ…. ကျွန်တော်တို့တွေဟာ လေ့လာတဲ့အခါမှာ.. အနည်းဆုံး မိနစ် ၂၀ ကနေ အများဆုံး ၄၅ မိနစ်လောက်သာ လေ့လာသင့်ပြီး နောက်ထပ် လေ့လာမှုမစတင်ခင်မှာ ၁၅ မိနစ်၊ မိနစ် ၂၀ လောက် အနားယူပေးပါ။ ဘာလို့လည်း ဆိုတော့ ကျွန်တော်တို့ဟာ စာတွေကိုလေ့လာနေတာ.. တစ်နည်းအားဖြင့် ဦးနှောက်ကို အလုပ်တွေခိုင်းနေတာ.. ဒီကောင်ကြီးက ဆက်တိုက်ဆိုရင် ပူလာမှာပေါ့ဗျာ.. ဘယ်အဆင်ပြေပါ့မလဲ.. အဲ.. အဲ့တော့ ၁၅ မိနစ် ၊မိနစ် ၂၀ လောက်သာ ပိတ်နားပစ်လိုက်.. relax ပေ့ါဗျာ.. အဲ့အချိန်မှာ မိတ်ဆွေတို့ ကြိုက်တာလုပ်နေလို့ရတယ်.. ဖုန်းမှာ ဂိမ်းပြေးဆော့မလား?? ယောင်္ကျားလေးတွေဆို ဒိုက်ပဲထိုးမလား?? ကင်းမြှီးကောက်ပဲထောင်နေမလား?? အပြင်ထွက်ပြီး လမ်းလျှောက် လေညှင်းခံမလား၊ သီချင်းနားထောင်မလား?? အစရှိသည်ပေါ့ဗျာ.. ကြိုက်တာကို လုပ်နေနိုင်တယ်.. အဲ.. ပြီးရင်တော့… ကိုယ်တော် စာပြန်လုပ်ပါ…. မိတ်ဆွေတို့ စာလုပ်တိုင်းမှာ ဒီနည်းလေးကိုပဲ အသုံးပြုပေးမယ်ဆိုရင်.. စာတွေပိုပြီး မှတ်မိလာမယ်ဆိုတာ ကျော်ရဲရဲကြီး အာမခံပါတယ်.. ..

မလေ့လာခင် အိပ်စေဗျာ..
==============
ဒီအလေ့အကျင့်လေး ကျွန်တော်ရတာတော့ ကျွန်တော် ဆယ်တန်း တက်တုန်းက အင်္ဂလိပ်စာဆရာဆီက ရခဲ့တာပဲ..အဲ.. ဆယ်တန်းတုန်းက ကျွန်တော် Camp တက်တယ်ပေါ့ဗျာ.. အချိန်က ည ၁၂ လောက်ထိ ဆိုတော့ ကျွန်တော်တို့ ကလည်း ဘယ်ရမလဲ ကြိုးစာချင်စိတ်ရှိတဲ့ ကောင်တွေဆိုတော့ အိပ်ငိုက်တော့တာပေါ့..
အဲ.. ဆရာက ဘာလုပ်ပေးလဲဆိုတော့ ဥပမာ ကျွန်တော် အိပ်ချင်ပြီဆိုပါစို့.. အိပ်ခိုင်းတယ်.. ဒါပေမယ့် ၁၀ မိနစ်ပဲ.. ၁၀ မိနစ်ပြည့်ပြီဆိုတာနဲ့ ခုံကိုထုရင်ထု၊ မထုရင် လှန့်ပြီး နှိုးတာပေါ့ဗျာ.. ဟော… အဲ့မှာ လန့်ဖြန့်ပြီး နိုးရော.. အဲ.. ပြန်လည်နိုးရေ.. လုံးဝ အလန်းပြန်ဖြစ်သွားတာဗျာ.. လက်တွေ့နည်းလမ်းလေးမို့ ပြန်လည်မျှဝေပေးတာပါ။ ကျွန်တော် ဒီနေရာမှာ ဆိုလိုချင်တာက စာလုပ်ခါနီးမှာ မိတ်ဆွေတို့ အိပ်ချင်ပြီဆိုရင် စဉ်းစားမနေနဲ့ အနည်းဆုံး မိနစ် ၂၀ ကနေ ၃၀ ထိ အိပ်ပစ်လိုက်ပါ။ နိုးအောင်တော့လုပ်ပေါ့ဗျာ.. နည်းလမ်းကတော့ နှိုးစက်ပေါ့ဗျာ.. ဒါမှမဟုတ်လဲ.အိမ်က တစ်ယောက်ယောက်ကို မှာထားလိုက်ပေါ့.. လုပ်ကြည့်ပါမိတ်ဆွေ.. စာတွေမှတ်ရပိုလွယ်လာပြီး စာတွေမြန်မြန်ရပါလိမ့်မယ်…..

မှတ်စုရေးပါ
=======
ကိုင်းးးလေ့လာကြပြီဆိုပါတော့ … ကိုယ်လေ့လာသမျှကို မှတ်စုလေးတွေရေးထားပါ။ အရေးကြီးတာလေးတွေပေါ့.. ကွန်ပျူတာ သင်ခန်းစာလေ့လာသူတွေကလည်း ကိုယ့်ရဲ့ note pad (သို့) Text editor တစ်ခုမှာ ရေးမှတ်ထားနိုင်သလို အဲ… ကျောင်းသားကျောင်းသူတွေ.. သင်တန်းတက်နေသူတွေ.. လည်း ဆရသင်ကြားသမျှ သင်ခန်းစာတွေကို ကိုယ့်နည်းကိုယ့်ဟန်နဲ့ အရေးကြီးတာလေးတွေ မှတ်စုရေးထားပါ။ လေ့လာသူတွေဟာ မှတ်စုရေးတဲ့အခါ ကိုယ်အလွယ်တကူ မှတ်မမိနိုင်တဲ့ စာစုတွေကို ရေးမှတ်လေ့ရှိတာကြောင့် သည်အကြောင်းအရာ မိတ်ဆွေတို့ ပိုမိုမှတ်မိစေပါတယ်။
သတိ။ ။ တပါးသူမှတ်သားထားသော မှတ်စုများကို ကူးရေးခြင်းမှ ရှောင်ကြဉ်ပါ။

မှတ်ရခက်တဲ့ စကားလုံးမျိုးကို ထပ်ကာ ထပ်ကာ ဖတ်ပါ
=================================
ကျောင်းသားကျောင်းသူတွေပဲဖြစ်ဖြစ် ကိုယ်တိုင် အိမ်မှာလေ့လာနေတဲ့ Self-Study သမားတွေပဲဖြစ်ဖြစ် ဘာသာရပ်တစ်ခုကို လေ့လာကြတဲ့နေရာမှာ ကိုယ့်အတွက် ခက်ခဲမဲ့ စကားလုံးမျိုးကိုဆိုရင် ထပ်ကာ ထပ်ကာ ဖတ်ဖို့လိုပါတယ်။ ဥပမာ - အီဗရာဟီမိုဗစ်ခ်ျ .. ရက်စ် သူ့နာမည်က မခက်ပေဘူးလားဗျာ.. အဲ.. ခက်တာပေါ့. သူ့ကိုအားပေးနေတဲ့ နိုင်ငံကပရိသတ်တွေကိုတောင် သူ့နာမည်ပေါင်းခိုင်းတာ.. မပေါင်းတက်ဘူးဗျ.. အလွယ်တကူ.. ဆိုလိတာကဗျာ.. စာတွေဖတ်တဲ့အခါမှာ.. အဲ့လိုမှတ်ရခက် စာလုံးပေါင်းရခက်တဲ့ စကားလုံးမျိုးတွေရှိတယ်။ ဒါတွေကို ဘယ်လို ကျော်လွှားနိုင်မလဲဆိုတော့.. အီဗရာဟီမိုဗစ်ခ်ျ အီဗရာဟီမိုဗစ်ခ်ျ အီဗရာဟီမိုဗစ်ခ်ျ အီဗရာဟီမိုဗစ်ခ်ျ အီဗရာဟီမိုဗစ်ခ်ျ အဲ့လို အထပ်ထပ်အခါခါ ဖတ်လိုက်တဲ့ အခါကျတော့ မိတ်ဆွေတို့ဟာ.. ဒီစကားလုံးကို မှတ်မိလာမယ်.. နောက်ပြီး ဂရုပြုမိလာမယ်။ မေ့လို့စဉ်းစားရင်တောင် ခေါင်းထဲမှာ ပြန်ပေါ်လာနိုင်တယ်…

အိပ်ချိန် ၆ နာရီနဲ့ ၈ နာရီကြားရှိနေပါစေ
======================
ကျွန်တော်တို့ လေ့လာကြတယ်ဗျာ… ညဘက်တွေစာတွေလုပ်ကြတယ်.. ဒါပေမယ့် အိပ်ချိန်မမှန်ကျဘူး..
တစ်ချို့ဆို ၃ နာရီလောက်မှ အိပ်ကြတာမျိုး.. အဲ..တစ်ချို့ဆိုရင် ၄ နာရီလောက်မှ အိပ်ကြတာမျိုး…
အဲ့လိုတွေရှိတယ်။ တချို့ဆရာတွေကတော့ တတိယအချိန်ကို အသုံးချဖို့တိုက်တွန်းထားတာတွေလည်းရှိတယ်။ ဒါပေမယ့် Sleep For Success ဆိုတဲ့ စာအုပ်ကိုရေးသားထုတ်ဝေခဲ့တဲ့ စာရေးဆရာ Dr.James B.Mass ကတော့ ညပိုင်းမှာပေါ့နော်..
လေ့လာချင်တာတွေလေ့လာပြီးပြီဆိုရင် အိပ်ချိန်ကို ၆ နာရီနဲ့ ၈ နာရီကြားရှိပေးဖို့ တိုက်တွန်းထားတယ်။
 ဘာဖြစ်လို့လည်းဆိုတော့ ဒီလို အိပ်ချိန်ပြည့်ပြည့်၀၀ ရှိတဲ့ အခါကျရင် ကိုယ်လေ့လာမှတ်သားတဲ့ စာတွေကို အကုန်လုံးလိုလို နောက်တစ်နေ့မနက်မှာ အကုန်လုံးနီးပါး ပိုပြီး မှတ်မိနေစေပါတယ်တဲ့ဗျာ.. 
Dr.James B.Mass, “sleep for success" Author says 
“if you get a good nihgt sleep (6-8)
The night after you learn something, you will remember it better than if you had a poor night sleep.. “

အရေးကြီးတာတွေ အရင်လေ့လာပါ
====================
ကိုင်းဆိုကြပါတော့ဗျာ..  pdf တစ်ခုဖတ်မယ်.. များသောအားဖြင့် ဖတ်ရှုသူတွေဟာ.. ဒီစာအုပ်မှာရှိတဲ့ ပါသမျှအကြောင်းအရာတွေကို အစကနေပြီးဖတ်ရှုလေ့ရှိတယ်.. ဒါဟာ လေ့လာရာမှာ ထိရောက်မှုမရှိစေပါဘူး… ကျွန်တော်တို့ဟာ မလေ့လာခင်မှာ.. မာတိကာ ဆိုတာကို ကြည့်သင့်တယ်.. နောက်ပြီး.. ကိုယ်ဘယ်အရာကို သေချာလေ့လာရမလဲဆိုတာကို အရင်ရှာဖွေရမယ်.. ပြီးရင် ကိုယ်လေ့လာလိုတဲ့ အရေးကြီး တဲ့ အပိုင်းကိုပဲ ဦးစားပေးလေ့လာသင့်ပါတယ်။ ဒီလိုပြုလုပ်ခြင်းအားဖြင့် လေ့လာသူတွေဟာ အချိန်တိုလေးအတွင်းမှာ အကျိုးရှိရှိလေ့လာဖြစ်ပါလိမ့်မယ်။

အကြောင်းအရာတွေနဲ့ ပတ်သတ်ြပီး အမေးအဖြေ ပြုလုပ်ပါ
==============================
ဒီလိုဗျာ..ကျွန်တော်တို့ အကြောင်းအရာတစ်ခုကို လေ့လာပြီးပါပေါ့.. အဲ့အကြောင်းအရာမှာ ဘာတွေပါဝင်လဲဆိုတော့.. အဓိပ္ပာယ်ဖွင့်ဆိုချက်တွေ… ပါမယ်၊ နောက်ပြီး အမေးအဖြေတွေပါမယ်.. ဒါတွေကို ကျွန်တော်တို့ ပြန်လည်ဖတ်ရှုပြီး ကိုယ်သိသလောက်ပြန်လည်ဖြေ
ဖကြားမှုတွေ ပြုလုပ်သင့်တယ်.. အဲ့လို ပြုလုပ်ပေးခြင်းအားဖြင့် မိတ်ဆွေတို့ဟာ ခက်ခဲတဲ့နေရာတွေ ကိုယ်မပိုင်နိုင်သေးတဲ့ နေရာတွေကို
ပြန်လည်သတိထားမိလာစေပါတယ်။ …

အသံထွက်ဖတ်ပါ
===========
ဘာသာရပ်တစ်ခုခု၊ အကြောင်းအရာ တစ်ခုခုကို လေ့လာတဲ့အခါမှာ စိတ်ထဲက ဖတ်ခြင်းကို ၂၀ ရာခိုင်နှုန်းလောက်သာ ပြုလုပ်ပြီး နှုတ်ကနေ ရွတ်ဖတ်ခြင်းကို ၈၀ ရာခိုင်နှုန်းလောက်အထိ ပြုလုပ်သင့်ပါတယ်။
အဲ့လို ပြုလုပ်ခြင်းအားဖြင့် မိတ်ဆွေတို့ဟာ အကြောင်းအရာတစ်ခုကို ပိုမို မှတ်မိစေသလို အလွတ်ကျက်မှတ်ဖို့လိုတဲ့  စာတွေကိုဆိုရင်လည်း နှုတ်ကနေ ချောမွေ့စွာ ဆိုတတ်လာစေပါတယ်။ ဆိုလိုတာကတော့ မိတ်ဆွေတို့မှာ စာကျက်ချိန် ၁ နာရီရှိတယ်ဆိုပါစို့ မိနစ် ၂၀ ကိုသာ စိတ်ထဲက ရွတ်ဖတ်သင့်ပြီး ကျန်တဲ့ မိနစ် ၄၀ ကိုတော့ နှုတ်ကနေ အသံထွက်ပြီး ဖတ်သင့်တယ်လို့ ဆိုလိုခြင်းဖြစ်ပါတယ်။

အရမ်းကြီး တွန်းအားမပေးမိပါစေနဲ့
=======
အဲ.. လူတိုင်းလူတိုင်းမှာ.. လုပ်ချင်စိတ်၊ ကိုင်ချင်စိတ်၊ ပြောချင်ဆိုချင်စိတ်၊ သွားချင်လာချင်စိတ်တွေရှိဖို့ Motivation ကအရေးကြီးတယ်မဟုတ်ပါလား??? သိပ်ဟုတ်တာပေါ့နော့… မိတ်ဆွေတို့ တစ်ခုနှလုံးသွင်းထားရမှာက Motivation ဆိုတာ ဆာလောင်မွတ်သိပ်နေသူတစ်ယောက်နဲ့ တူတယ်ဆိုတာပါပဲ.. အဲ.. ဆာလောင်နေတဲ့ သူတွေဟာ.. သူတို့ ဗိုက်ပြည့်ဖို့အတွက် အစားအစာတွေကို အငမ်းမရ စားမှာဖြစ်သလို.. ဗိုက်မဆာတဲ့သူကတော့ သူမှ မဆာတာ.. ဘယ်စားလိမ့်မတုန်း..ဟုတ်တယ်ဟုတ်… Motivation ကြီးက အချိန်တိုင်းပျောက်ကွယ်နေတတ်တာမျိုးတော့ မဟုတ်ပါဘူး.. တွန်းအား၊ ဖိအားတစ်ခုခုရှိလာတိုင်းအမြဲလိုလို ပေါ်လာတတ်ပါတယ်.. အဲ့တော့ သူများဘယ်လောက်စားစား ဂရုမစိုက်ပါနဲ့ ကိုယ်ဆာတဲ့ အချိန်ထစားလိုက်တာဟာ.. တကယ့်ကို အရသာရှိပြီး
အာဟာရဖြစ်စေမှာပါလို့ ပြောကြားရင်း ကျွန်တော့်ရဲ့ Self-Study လေ့လာခြင်းနဲ့ ပတ်သတ်တဲ့ နည်းလမ်းတစ်ချို့အတွက် ရေးသားခြင်းကို ဒီနေရာမှာ ပဲ နိဂုံးချုပ်လိုက်ပါတယ်ခင်ဗျာ…
ဖတ်ရှုအားပေးသူ မိတ်ဆွေများကို ကျေးဇူးအထူးပင်တင်ရှိတယ်ခင်ဗျာ…

အဲ...အဆင်ပြေကြရင်တော့ . အခြားမိတ်ဆွေတွေလဲ ဖတ်ရှုနိုင်အောင်..
ပြန်ည်မျှဝေပေးကြပါဦးလို့ မေတ္တာရပ်ခံပါတယ်ခင်ဗျာ....

မိတ်ဆွေများအားလုံးကို လေးစားစွာဖြင့်
လှမျိုးမောင်….